Kakor (cookies) Trafikverket använder kakor för att förbättra och anpassa ditt besök på vår webbplats. Genom att använda webbplatsen accepterar du användandet av dessa kakor.
Läs mer om kakor och hur du avaktiverar dem

Pajala, sentrymmin kunnostus

Liikenevirasto kunnostaa osia Pajalan sentrymmistä. Aikomus on ette parantaa turvalisuutta ja käytettävyyttä.

Tornedalsvägen, Kirunavägen ja Soukolovägen Pajalan sentrymmissä on valtion teitä ja tehty läpikulkutrafiikile. Koska tänä päivän läpikulkutrafiikki mennee tielä 99 (Genvägen), tulthaan nämät kolme sentrymmin tietä sovithaan paikalisen trafiikile, kävelijöile ja pyöräilijöile. Se tapahtuu sentrymmin kunnostamisen yhteyvessä, ja tiet saavat täyesti uuen näön, joka antaa sopivaman sentrymmin. Kun sentrymmin kunnostus on valmis jätethään Tornedalsvägen, Kirunavägen ja Soukolovägen yli Pajalan kunnale.

Etappi 1 Kengisgatan, suoritethiin 2016 aikana
Etappi 2 alotethaan kevätkesänä 2017 ja pittää olla valmis syksyn aikana 2018

Mitäs tehhään?

  • Tornedalsvägen ja Kirunavägen rakenethaan uuesti Kengisgatan ja Förvaltningsvägenin      välilä. Soukolovägen rakenethaan uuesti tie 99 (Genvägen) Tornedalsvägenin välilä. Tämä antaa Pajalan sentrymmile enemän kaupunkimaisen muotoilun, missä on selvät kävely- ja pyöräreitit, puita, valostusta ja parkkeerinkipaikkoja.
  • Terhveyssentraalissa rakenethaan byssipysäke molemin puolen Kirunavägeniä ja yks kävelyreitti. Sen lisäks tehhään vähän vesi- ja aavloppityötä.
  • Kävelyreittiä rakenethaan Tornedalsvägenin yli, Brovägen ja Mommavägenin laijala.
  • Soukolovägenin saastunu maaperä saneerathaan.

Miksis kunnostethaan sentrymmiä?

  • Kävelijät ja pyöräilijät saavat enemän tillaa.
  • Kaikin pitävät saattaa liikkua hyvin.
  • Tullee olheen selvemät paikat missä saapi parkkeerata.
  • Trafiikkiturva lissäintyy kun kaut mookathaan ette saathaan matalampia biilin vauhtia.
  • Puut, hyvä valostus ja fiintä materiaalia tullee tekheen sentrymmin viihtyisämäks.

Suljethaan biilitrafiikistä

Uuesti rakentamisen aikana tartethaan piian biilitrafiikin sulkea, mutta se jällaa vain lyhemän aijan ja ainuasthaan yks osamatka kerrala. Olevat tie- ja fastigheettiliittymiset pitävät olla käytettävänä koko rakenusaikana.

  • Osamatka 1 Kengisgatan ja Myntvägenin välilä
  • Osamatka 2 Myntvägen ja Soukolovägenin välilä
  • Osamatka 3 Soukolovägen ja Skolvägenin välilä
  • Osamatka 4 Skolvägen ja Förvaltningsvägenin välilä 

Pajalan markkina 7–9 jyyli 2017

Ei yhtään työtä tehhä markkinan aikana Kirunavägen/Tornedalsvägen ja Soukolovägenin markkina-alueessa.

Kiertelypaikka

Kiertelypaikka on rakenettu tie 99 (Genvägen) ja tie 392:an (Teknikvägen) välilä. Se valmistui 2015.

Kengisgatan

Kengisgatan on uuesti rakenettu tie 99 (Genvägen) ja Tornedalsvägenin välilä. Se tuli valhmiiks 2016.

Tivhiitä tietoja

Mikä: Sentrymmin kunnostus

Miksi: Parantaa käytettävyyttä ja trafiikkiturvaa

Nykytilane: Etappi 1, Kengisgatan on valmis. Etappi 2 alotethaan 2017 alkukesän puolela.

Valmis: 2018